Indian Railways apne customers ko parcel bhejne mein aane wali pareshaniyon se chutkara dilane ja raha hai. Ab logon ko parcel bhejna bahut aasaan aur atyaadunik suvidhajank hoga. Railways ne computerized parcel management system ki shuruaat ki hai. Is system ke madhyam se customers lagej (parcel) ko track kar pal-pal ki...
more...

jaankaari le sakte hain. Parcel management system Bhopal mandal ke abhi teen stations par kaam kar raha hai. Iske safal parinaam aa rahe hain, ab ise poora mandal mein laagu karne ki yojana hai. Mandal ke paanch stations par PMs shuru hogi. Parcel management system Bhopal mandal mein abhi tak Bhopal station, Bina station aur Itarsi station par chal raha hai. Jaldi hi paanch anya stations par shuru kiya jaayega. Isme Rani Kamalapati, Sat Hirdaram Nagar, Ashok Nagar, Guna aur Harda station shamil hain. Mobile par SMS ke madhyam se jaankaari milegi. Is naye system mein parcel management system ke madhyam se customers ko lagej book karne ke baad train mein chadane se lekar gantvy sthan tak pahunchne ki saari jaankaari mobile par SMS ke madhyam se milti hai. Naye management system mein computer ki madad se lagej ka vajan lene ke baad das ankon ka ek progressive reference record (PRR) sankhya generate hoga. Jo system mein upload hone ke baad yaatri ke lagatar update deta rehta hai. Bhopal mandal ke alag-alag stations par parcel management system ki taiyaari puri ho gayi hai, jaldi hi shuru ki jaayegi. Isse yaatri ko apne saman ki poorn jaankaari milti rahegi. Naval Agrawal, ACM evam pravakta Bhopal mandal